قبل ساعات من المواجهة المرتقبة بين برشلونة وإنتر ميلان، في ذهاب نصف نهائي دوري أبطال أوروبا، كل العيون رايحة ناحية النجم البرازيلي رافينيا دياز، اللي بيعيش موسم ناري مع البارسا في البطولة الأوروبية.
الماتش اللي هيتلعب بكرة الأربعاء على ملعب مونتجويك، بيعتبر محطة حاسمة للفريق الكتالوني، ورافينيا واحد من أهم أسلحته الهجومية اللي بيعتمد عليها المدرب هانزي فليك في المواعيد الكبيرة.
واللي بيخلي رافينيا في الصورة أكتر هو أرقامه الخرافية في دوري الأبطال الموسم ده، ودي أبرزها:
- شارك في 12 مباراة
- سجل 12 هدف كاملين
- قدّم 7 تمريرات حاسمة
يعني ببساطة، رافينيا ساهم بشكل مباشر في 19 هدف من أهداف برشلونة في البطولة، وده رقم كبير جدًا ويأكد قد إيه هو عنصر حاسم في منظومة الفريق.
الجماهير الكتالونية حطّة عليه آمال كبيرة، وبتتمنى يكون في يومه قدام دفاع الإنتر القوي رافينيا مش بس هداف، لكنه كمان دايمًا بيصنع الخطورة ويعرف يخلق مساحات لزمايله.
دلوقتي، السؤال: هل يقدر رافينيا يكمّل التألق ويقود برشلونة لنتيجة إيجابية في الذهاب؟ ولا إنتر هيعرف يوقف خطورته؟
الإجابة بكرة، في ليلة أوروبية من العيار التقيل!
شارك المقال
أحدث الأخبار
أخبار ذات صلة
قرار مفاجئ من سلوت بعدم التحدث إلى وسائل الإعلام قبل مباراة ليفربول وكريستال بالاس
نابولي يُعلن إصابة دي بروين وغيابه لعدة أشهر
إصابة جديدة تقلق برشلونة بعد هزيمته في الكلاسيكو أمام ريال مدريد
منتخب مصر يرفض مواجهة كاب فيردي في البطولة الودية بالإمارات
الخطيب يكشف تفاصيل اختياره ياسين منصور نائبًا وتعيين سيد عبد الحفيظ بمجلس الأهلي
