نيوكاسل يونايتد شكله داخل بقوه الصيف ده، وبيجهز عرض رسمي علشان يضم جيمس ميكاتي، لاعب وسط مانشستر سيتي، في محاوله لتدعيم خط الهجوم قبل الموسم الجديد.
اللاعب اللي عنده 22 سنه، لسه مرتبط بعقد مع السيتي لحد 2026، بس مش لاقي فرصه حقيقيه للعب مع فريق بيب جوارديولا.
ميكاتي لعب 25 ماتش بس الموسم ده، سجل فيهم 7 أهداف، رغم إن عدد دقايق لعبه ماكملش 900 دقيقه، وده يوضح إنه لاعب مؤثر جدًا.
وبحسب موقع “CaughtOffside”، نيوكاسل بيجهز عرض يوصل لـ30 مليون يورو علشان يخلص الصفقه، خصوصًا إن في منافسه من فرق تانيه زى نوتنغهام فورست في إنجلترا، وكمان فرق ألمانيه كبيره زي ليفركوزن ودورتموند ولايبزيغ وشتوتغارت وماينز.
واضح إن نيوكاسل واخد الموضوع بجد، وعاوز يسبق الكل قبل ما اللاعب يطير منهم. وميكاتي من ناحيته حابب يثبت نفسه في فريق يديه فرصه يلعب أكتر بدل القعده الطويله على دكه السيتي.
شارك المقال
أحدث الأخبار
أخبار ذات صلة
قرار مفاجئ من سلوت بعدم التحدث إلى وسائل الإعلام قبل مباراة ليفربول وكريستال بالاس
نابولي يُعلن إصابة دي بروين وغيابه لعدة أشهر
إصابة جديدة تقلق برشلونة بعد هزيمته في الكلاسيكو أمام ريال مدريد
منتخب مصر يرفض مواجهة كاب فيردي في البطولة الودية بالإمارات
الخطيب يكشف تفاصيل اختياره ياسين منصور نائبًا وتعيين سيد عبد الحفيظ بمجلس الأهلي
