قبل المواجهة الناريه اللي هتجمع بين إنتر ميلان وبرشلونة بكرة الثلاثاء، ضمن إياب ربع نهائي دوري أبطال أوروبا، خرج داني أولمو بتصريحات قويه رد فيها على كلام إنزاجي مدرب الإنتر عن فرض رقابه مزدوجه على النجم الصاعد لامين يامال.
وقال أولمو: “إحنا مستعدين كويس، رغم ضغط المباريات اللي بتيجي كل ٣ أو ٤ أيام، بس جاهزين بدنيًا وذهنيًا”.
وأضاف: “لامين بيتعامل مع الماتشات الكبيره بشكل طبيعي، وبصراحه أنا شايفه الأفضل دلوقتي”.
وبخصوص كلام إنزاجي عن الرقابه على يامال، قال أولمو: “ده معناه إن هيبقى عندنا لاعب حر في الملعب، وده هنستغله كويس جدًا”.
وأكد إن الفريق وراه وبيسانده، وإن اللعب بحرية هو اللي بيطلع منه أفضل أداء، وأضاف: “إحنا واثقين فيه، وكلنا وراه”.
وعن مدرب الفريق فليك، قال أولمو: “فليك قريب من اللاعبين وبيوصل فكرته بوضوح، والأسلوب اللي بيلعب بيه مناسبنا جدًا، ومفيش حاجه محتاجين نغيرها دلوقتي”.
ماتش بكرة هيكون حاسم، والبرسا محتاج يفوز بعد ما الذهاب خلص ٣-٣، والكل حاطط عينه على يامال، اللي باين إنه هيكون كلمة السر.
شارك المقال
أحدث الأخبار
أخبار ذات صلة
قرار مفاجئ من سلوت بعدم التحدث إلى وسائل الإعلام قبل مباراة ليفربول وكريستال بالاس
نابولي يُعلن إصابة دي بروين وغيابه لعدة أشهر
إصابة جديدة تقلق برشلونة بعد هزيمته في الكلاسيكو أمام ريال مدريد
منتخب مصر يرفض مواجهة كاب فيردي في البطولة الودية بالإمارات
الخطيب يكشف تفاصيل اختياره ياسين منصور نائبًا وتعيين سيد عبد الحفيظ بمجلس الأهلي
