الليله الكوره مش بس ماتش عادي في دوري الأبطال ودي مواجهه مصيريه بين برشلونه وإنتر ميلان في إياب نصف النهائي، وممكن نقول بكل بساطه إنها لحظة فاصله في تاريخ الفريق الكتالوني.
برشلونه داخل الماتش بطموح كبير يوصل للنهائي لأول مره من 2015، بس المره دي الموضوع مختلف.. مش بسبب أسماء كبيره زي ميسي أو بوسكيتس، لكن بسبب جيل جديد كله شباب، عندهم شغف وطموح غير طبيعي.
الصحفي ماركوس لوبيز وصف الماتش ده بإنه حاجه “تتسجل في التاريخ”، وفعلاً عنده حق، لإن الجيل ده سبق عمره، وقدر يوصّل الفريق لنص النهائي في موسم كان فيه تحديات كتير، والكل شاكك في قدرات الفريق.
لوبيز قال كمان إن الجيل ده مش شايل عبء التاريخ، زي الأجيال اللي قبل كده، بالعكس جايين بنقاوه، بحماس، وعايزين يكتبوا قصتهم هم، مش يعيدوا قصص غيرهم.
برشلونه لو وصل النهائي، مش بس هيسترجع أمجاده، لكن هيحقق ده من غير ميسي، وده في حد ذاته إنجاز كبير والفريق ده كسب ثقة الناس فيه خلال التسع شهور اللي فاتوا، وبيثبت كل يوم إنه يستاهل الدعم.
كل اللي باقي دلوقتي هو 90 دقيقه (أو أكتر بشويه) ممكن تغيّر تاريخ النادي يا ترى الشباب دول يقدروا يخلّوا الكامب نو وكل جمهور البارسا في العالم يحتفل؟ ولا الإنتر هيحبط الحلم؟
شارك المقال
أحدث الأخبار
أخبار ذات صلة
قرار مفاجئ من سلوت بعدم التحدث إلى وسائل الإعلام قبل مباراة ليفربول وكريستال بالاس
نابولي يُعلن إصابة دي بروين وغيابه لعدة أشهر
إصابة جديدة تقلق برشلونة بعد هزيمته في الكلاسيكو أمام ريال مدريد
منتخب مصر يرفض مواجهة كاب فيردي في البطولة الودية بالإمارات
الخطيب يكشف تفاصيل اختياره ياسين منصور نائبًا وتعيين سيد عبد الحفيظ بمجلس الأهلي
