ألقت النجمة ليلى علوي كلمة مؤثرة في حفل افتتاح مهرجان الإسكندرية السينمائي لدول البحر المتوسط، معربة عن سعادتها بأن هذه الدورة تحمل اسمها،
وقالت ليلى علوي في كلمتها: “أنا كمان بحبكم جدًا وحبكم بالنسبالي سر سعادتي وحياتي لأن حبكم وتقديركم واحترامكم لمشواري الشخصي هو ده مصدر الحياة بالنسبالي”،
وأضافت: “بشكركم والحضور الكريم جدًا وكل زمايلي الغاليين عندي وعشرة العمر، أستاذة إلهام اللي لسه واصلة إمبارح من باريس عشان تيجي النهاردة، أستاذ محمد صبحي والنجمة يسرى وأستاذ خالد عبد الجليل، شكرًا ليكم جميعًا ودايمًا في ظهر بعض، وشكرًا للجمهور الحبيب اللي بيشجعني أختار كويس وأعمل له أعمال تليق بيه وتفيده وتفيد مجتمعنا”،
وتابعت: “الإنسان هو الإنسان في العالم كله، ومشاكلنا وقضايانا مهما اختلفت الجنسيات واللغات الإنسان واحدة، وأنا إنسانة وأعز الإنسانية في العالم وأتمنى السلام للعالم كله، لبلدي والوطن العربي وفلسطين الغالية”،
وأكملت: “شكرًا لمهرجان الإسكندرية عروس البحر المتوسط اللي بيحتفل النهاردة بسينما البحر المتوسط، وممتنة جدًا إن المهرجان بيعمل الدورة دي باسمي، ده تكريم كبير”، وأضافت شكرها لعائلتها وأصدقائها على دعمهم طوال مسيرتها،
وتأتي كلمة ليلى علوي لتعكس تقديرها للجمهور وزملائها والفن السينمائي في منطقة البحر المتوسط،