كشف الأمير عبدالعزيز بن تركي الفيصل، وزير الرياضه السعودي، إن النجم المصري محمد صلاح ممكن يكون “خيار مثالي” للدوري السعودي، بس بنفس الوقت نفى وجود أي مفاوضات دلوقتي بين صلاح وأي نادي في السعوديه.
التقارير اللي انتشرت الفتره اللي فاتت كانت بتقول إن الهلال مهتم يضم صلاح قبل كاس العالم للانديه، لكن صلاح فضل يجدد عقده مع ليفربول وقتها وفضل يكمل مع “الريدز”.
في تصريحه مع شبكة ESPN، الوزير قال إن التوجه دلوقتي في دوري روشن بيركز أكتر على جلب لاعبين شباب، مش بس النجوم المعروفين، وقال: “من أول يوم بيربطوا اسم محمد صلاح بالدوري السعودي، مع إن مافيش أي نقاشات حصلت أصلًا، بس كويس إنهم بيربطوا اسمنا بلاعبين كبار”.
كمان الأمير أضاف إن في مبالغه جامده في ربط أسماء لاعيبه بالدوري السعودي، وقال: “أي لاعب ناوي يجدد عقده تلاقيهم بيقولوا حيجي السعوديه.. 90٪ من الكلام ده مش حقيقي”.
تصريحات الوزير جت وسط كلام كتير حوالين مستقبل صلاح، خصوصًا بعد قدوم نجوم كبار للسعوديه، لكن لحد دلوقتي، شكله مكمل مع ليفربول.
شارك المقال
أحدث الأخبار
أخبار ذات صلة
قرار مفاجئ من سلوت بعدم التحدث إلى وسائل الإعلام قبل مباراة ليفربول وكريستال بالاس
نابولي يُعلن إصابة دي بروين وغيابه لعدة أشهر
إصابة جديدة تقلق برشلونة بعد هزيمته في الكلاسيكو أمام ريال مدريد
منتخب مصر يرفض مواجهة كاب فيردي في البطولة الودية بالإمارات
الخطيب يكشف تفاصيل اختياره ياسين منصور نائبًا وتعيين سيد عبد الحفيظ بمجلس الأهلي
