شهدت مباراة ريال مدريد الأخيره ضد أتلتيك بيلباو كتير من الملاحظات الفنيه اللي وضحت تأثير التشكيله على أداء الفريق.
المدرب كارلو أنشيلوتي قرر يرجع جود بيلينغهام لمركزه الطبيعي كوسط هجومي في الشوط التاني، وفعلاً ظهر بيلينغهام بشكل أخطر وحركي أكتر، وساهم في رفع رتم الهجوم.
أما فينيسيوس جونيور، فكان الحاضر الأكبر كالعاده، دايمًا مزعج لمدافعين بيلباو، ومصدر خطوره مستمر، سدد، راوغ، وهدد المرمى كذا مره، وكان فعلاً أفضل لاعب في الخط الأمامي للملكي.
وعلى النقيض، رودريغو كان كأنه مش موجود في الملعب غايب عن الأداء، ومش قادر يترك بصمه واضحه زي باقي زملاؤه وده مش أول ماتش يبان فيه كده، بقى فيه تكرار في قلة تأثيره بالمباريات المهمه.
الجمهور والمدربين والمحللين كلهم لاحظوا حاجه واضحه، إن الخطة اللي كانت ماشية تمام في نص الموسم – خطة “الدايموند” بـ 4 لاعبين في الوسط – كانت بتدي الفريق توازن أكتر، وبتخلي بيلينغهام وفينيسيوس يتألقوا براحتهم.
أنشيلوتي شكله بيحاول يرضي كل النجوم ويدخلهم كلهم التشكيله الأساسيه، بس ده بيجي على حساب الفاعليه.
يمكن لازم يراجع نفسه ويخلي رودريغو على الدكه، خصوصًا وإن التوازن في الفريق بقى أولوية قبل أي مجاملات.
شارك المقال
أحدث الأخبار
أخبار ذات صلة
قرار مفاجئ من سلوت بعدم التحدث إلى وسائل الإعلام قبل مباراة ليفربول وكريستال بالاس
نابولي يُعلن إصابة دي بروين وغيابه لعدة أشهر
إصابة جديدة تقلق برشلونة بعد هزيمته في الكلاسيكو أمام ريال مدريد
منتخب مصر يرفض مواجهة كاب فيردي في البطولة الودية بالإمارات
الخطيب يكشف تفاصيل اختياره ياسين منصور نائبًا وتعيين سيد عبد الحفيظ بمجلس الأهلي
