صباحك أوروبي صلاح يكسر الأرقام وهالاند راجع وألونسو لريال مدريد
في جوله جديده من أخبار الكوره الأوروبيه، محمد صلاح نجم ليفربول بيحقق إنجاز جديد ويتوج بجايزة أفضل لاعب في السنه من رابطة كتاب الكوره ف إنجلترا بعد موسم ناري صلاح حصل ع 90٪ من الأصوات، وده أعلى نسبه ف التصويت من سنين، متفوقًا على أساطير زي رونالدو وهنري سجل صلاح 33 هدف وقدم 23 أسيست ف كل البطولات، و28 منهم بس ف الدوري الإنجليزي.
هالاند كمان رجع للظهور مع مانشستر سيتي، وجوارديولا قال إنه جاهز وبيفكر يبدأ بيه أساسي قدام ساوثامبتون النهارده. السيتي بيحاول يلحق المنافسه قبل ما يفوت الأوان.
أما ف أسبانيا، ريال مدريد قرر رسميًا يعين تشابي ألونسو مدرب للفريق بعد نهاية عقد أنشيلوتي اللي هيمشي بعد ماتش 25 مايو. وده بيحط ألونسو ف مكانه جديد بعد تألقه مع ليفركوزن.
هيثم حسن، لاعب ريال أوفييدو المصري، أخد إشاده كبيره من صحيفة ماركا، ووصفوه بـ الفرعون الممتع بعد ما دخل ضمن أفضل المراوغين ف العالم.
وفي فرنسا، بلدة سان جيرمان أونلي قررت تذيع نهائي دوري الأبطال بشاشه كبيره دعمًا لباريس سان جيرمان ف حلمه يحقق أول لقب.
أما نونيز، مهاجم ليفربول، دخل ف حسابات نابولي، وسلوت مرحب برحيله لو جاله عرض كويس.
