مادلين طبر بتحكي عن طقوس عيد القيامه وحضورها قداس العيد بالعباسيه
حضرت الفنانه مادلين طبر قداس عيد القيامه في الكاتدرائيه المرقسيه بالعباسيه، واتكلمت عن طقوسها الخاصه بالاحتفال بالعيد، وقالت إن أهم حاجه بالنسبالها هي قداس نص الليل، وقالت كمان إنها كانت صايمه يوم الجمعه الجزينه ومخرجتش ولا احتفلت.
وأضافت مادلين في حوارها مع المصري اليوم إنها زيها زي أي مسيحي في الشرق الأوسط بيحتفل بنفس العادات، وقالت “سبت النور يوم لطيف ومميز جدًا”.
وأشارت إن العيد في مصر مش بيختلف عن لبنان، نفس القداس ونفس الصلوات، والاختلافات بسيطه مش مهمه.
وأعربت عن سعادتها بتوحيد توقيت الاحتفال بين الكنائس الشرقيه والغربيه السنه دي، وقالت إن دي خطوه مهمه علشان ميبقاش فيه فرق في التوقيت بس، لأن الصلاه واحده.
ومن ناحيه تانيه، كانت مادلين طبر شاركت في رمضان 2025 بمسلسل “اسود باهت”، وبالتحديد في حكايه “وصمه عار”، وظهرت بشخصيه “روقه” بللوك مختلف بشعر قصير ولونه أبيض.
ووصفت الشخصيه إنها سيده اعمال عندها مركز تجميل كبير في اسكندريه، وشخصيتها غامضه ووراها أسرار كتير، وأنانيه بس ماضيها بيرجع يغير كل حاجه فقصه الحلقات.
