مارتينيلي يدخل التاريخ مع أرسنال ويبقي الفريق من غير هزيمه
جابرييل مارتينيلي، اللعيب البرازيلي الشاب، كتب اسمه بحروف من دهب في تاريخ نادي أرسنال، بعد ما وصل لهدفه رقم 50 مع الفريق في كل البطولات، وده حصل بعد ما سجل هدف في فوز الجانرز على إيبسويتش تاون برباعيه نظيفه.
اللاعب اللي عنده 23 سنه، واللي بدأ مسيرته الأوروبيه مع أرسنال في 2019 بعد ما جه من نادي إيتواني البرازيلي، بقى رابع أصغر لاعب يوصل للرقم ده في تاريخ النادي، بعد ساكا وفابريجاس ووولكوت.
الترتيب كالتالي
ساكا 22 سنه و159 يوم
فابريجاس 23 سنه و134 يوم
والكوت 23 سنه و235 يوم
ومارتينيلي 23 سنه و306 يوم
ومن الأرقام الملفته كمان، إن أرسنال ملعبش ولا خسر ولا ماتش من 44 مباراه، لما مارتينيلي بيسجل هدف، وده رقم مرعب لأي خصم.
موسم مارتينيلي ماشي بشكل ممتاز، سجل 9 أهداف وصنع 6 غيرهم، ولسه عنده كتير يقدمه، خصوصًا وهو لسه صغير ولسه قدامه مشوار طويل في الملاعب.
